شخشوخة الظفر

السلام عليكم

شخشوخة الظفر

 شخشوخة نحضرها بسميد عادي وملح وماء نعجنهم مليح ونترك العجينة شوية يابسة على عجينة لمسمن ((لانو عجينة لمسمن تكون طرية بزااف ))


هذي الشخشوخة يجب ان تبقى  يابسة قليلا ونشكلها كويرات صغار ونضع كل زوج كرات مع بعضهم ونبسطهم بالحلال رقاق ونطيبوهم مع بعض في طاجين لحديد على الجانبين وكي يطيبو نحلوهم ونفتوهم صغارنتحصلو على هذي

تحضير المرق:نضع في قدر بصلة كبيرة مكرفجة وقطع لحم مع شحم وشوية زيت نقلوهم ثم نضيف ملح وتوابل(كسبر مرحي وثوم مرحي وفلفل احمر مرحي حار طماطم مصبرة شوية دبشة ونقليوهم مليح ثم نضيف جزر مقطع وحمص ونمرقها مليح ونتركها تطيب نتحصل على هاذي

لما تطيب المرق ننزع اللحم والحمص  نضعهم جانبا والمرق لي قعد نضع فيه الشخشوخة المحضرة مسبقا ((تحطو كمية الشخشوخة تكون مناسبة لكمية المرق ))ونتركها تغلي قليلا مع اضافة شوية زبدة لاعطاء بنة للطبق ودبشة (او حشيش مقطفة ))مقطعة رقيق ونقوم بتقطيع فلفل اخضر حار للخليط لاعطاء بنة الحار للطبق ونترك على النار دقيقة وثم نقدمه في صحن التقديم

ونضع فوقه اللحم والحمص اللي نزعناهم سابقا

وبصحتكم

شخشوخة الظفر

لمشاهدة الطريقة بالفيديو من هنا